Coa publicación, hoxe, mércores 11 de xaneiro, no BOE da Real Decreto-lei 1/2023 de medidas urxentes en materia de incentivos á contratación laboral e mellora da protección social das persoas artistas, recóllese no punto catorce súa disposición final cuarta unha prestación de desemprego especial para os traballadores da cultura adaptada ás súas especialidades de contratación, a intermitencia, que permitirá encher ocos e ter vidas laborais completas que permitan un acceso a pensións de xubilación dignas.

O sábado 3 de decembro, entre as 11:30h e as 14h na sede da SGAE de Santiago de Compostela, a AAAG xunto a ConArte (Confederación de Artistas Traballadores do Espectáculo) convídavos a visitar o marabilloso mundo do Estatuto do Artista coa inestimable colaboración da Fundación SGAE.

Baixo o título “Introdución ao estatuto do Artista”, faremos unha primeira aproximación ao estatuto cunha charla da avogada Sara Mora e un tempo para preguntas da asistencia o sábado 26 ás 18h.