Reconversión, de Ibuprofeno Teatro, acada seis galardóns entre eles Mellor Espectáculo, Dirección e Texto Orixinal. A serie clopen, TROMSØ e Berenguela na gaiola logran cadanseu dobrete nunha gala que celebrou a vida e obra de Manuel Lourenzo

Presentamos esta mañá no Teatro Rosalía Castro todos os detalles da 30ª edición dos Premios de Teatro María Casares, o principal recoñecemento das artes escénicas en Galicia. O acto contou coa presenza de representantes da Xunta de Galicia a través da Axencia Galega das Industrias Culturais (Agadic), a Deputación da Coruña, o Concello da Coruña, a propia AAAG e Gloria Rico, directora da gala.

https://youtube.com/live/fsWS95CFbI8

A Asociación de Actores e Actrices de Galicia renderá homenaxe ao histórico actor e dramaturgo, finado no verán de 2025, nun evento que se presentará oficialmente o luns 6 de abril no Teatro Rosalía Castro.

Gloria Rico Galán é unha das figuras máis versátiles da escena teatral galega contemporánea, desenvolvendo un labor integral como actriz, directora e produtora

O escritor e activista asina o texto por encarga da Asociación de Actores e Actrices de Galicia (AAAG) para conmemorar o 27 de marzo. Callón percorre a historia de persecución da escena galega e chama a pasar da "caricatura ao suxeito" cunha voz propia e dereitos recoñecidos

Dise que o xénero por excelencia da nosa literatura, tanto da tradicional como da impresa, é a lírica. Iso é verdade mais tamén é mentira. A nosa é unha lingua que naceu nun verso, mais nun verso que non se lía, senón que se representaba, que se facía carne na voz e nas mans. As xograresas e os xograres que danzaban, xesticulaban e cantaban á calor dunha lareira señorial ou na praza dunha vila, tiñan moito de comediantes. Vimos de moi lonxe.

A Xunta Directiva da Asociación de Actores e Actrices de Galicia (AAAG) acordou conceder o Premio de Honra Marisa Soto dos Premios María Casares 2026 á actriz ferrolá Luma Gómez, en recoñecemento a unha traxectoria exemplar e ao seu compromiso sostido co desenvolvemento do teatro galego

Un total de 17 espectáculos competirán en calidade de finalistas por facerse con algún dos 16 galardóns que se entregarán durante a gala da 30ª edición dos Premios de Teatro María Casares, que este ano se celebrará o mércores 8 de abril no Teatro Rosalía Castro da Coruña

>> A gala de entrega dos galardóns celebrarase o mércores 8 de abril un ano máis no Teatro Rosalía Castro da Coruña.

>> A relación de finalistas deste 2026 darase a coñecer o mércores 4 de marzo durante a tradicional Festa de Finalistas que, coa presentación da actriz Chus Álvarez, terá lugar na Cafetería Lasso do Auditorio de Galicia en Santiago