Volver
Alta Costura
Sinopse
Un espectáculo cómico, irónico e poético sobre a moda e a súa estreita relación co consumo, o recoñecemento social, a contaminación, a saúde e as condicións laborais.
ALTA COSTURA retrata o percorrido da produción da roupa dende a orixe da materia prima empregada na fabricación dos tecidos ata a confección das pezas, a súa distribución e a perversidade dos mecanismos de reciclaxe.
O espectáculo dá especial relevancia aos mecanismos de venda, ao espazo sensorial da tenda e á relación contemporánea que o gran público mantén co acto de mercar e tirar roupa. ALTA COSTURA detense detalladamente na “fast-fashion”: o momento da compra, a filosofía de mercado empregada polas principais marcas e pola rapidez con que os produtos se desvalorizan, caen en desuso e se transforman en residuos abundantes e altamente contaminantes.
ALTA COSTURA é unha creación de teatro visual. A estrutura escénica, as actrices, os actores, as bailarinas, os bailaríns e a música constitúen un organismo vivo en constante movemento e transformación que comunica a través dos sons, dos obxectos, das cores, das formas, dos movementos e das palabras.
Web:
https://elefanteelegante.net/gl/espectaculos/alta-costura/Candidaturas
- Espectáculo : Alta Costura
- Actor Secundario : Pablo Sánchez
- Actriz Secundaria : Raquel Crespo
- Actriz Secundaria : Sofía Espiñeira
- Actriz Secundaria : María Torres
- Vestiario : Carolina Díguele
- Iluminación : Laura R. Duarte
- Texto Orixinal : Tiago Alves Costa
- Dirección : Gonçalo Guerreiro
- Dirección de movemento : Gonçalo Guerreiro
- Espazo sonoro : Manuel Fonte Loureiro
- Espazo escénico : Gonçalo Guerreiro
Compañía
Elefante Elegante
Data estrea:
02/04/2025