Volver
Sobre o extravío ou a arte de perderse
Sinopse
Un só de teatro físico sobre a importancia do lugar, sobre o que non se ve pero está, sobre o esquecemento necesario e a arte de perder. Ou de perderse.
Sobre o extravío ou a arte de perderse convídanos a compartir a viaxe a través do espazo interior e exterior dunha muller. Como espectadores e cómplices do seu modo de construír(se), habitar, perderse e chegar a lugares inesperados.
Lugares onde o movemento, o texto, o espazo sonoro, o corpo e os obxectos combínanse mergullándonos nun tempo suspendido e evocador no que algo pode aparecer: unha sorpresa, unha pregunta, unha resposta quizais...
Sobre o extravío ou a arte de perderse bríndanos a oportunidade de abandoar a ollada periférica e dispersa á que estamos tan afeitos hoxe en día, para centrarnos en descubrir a sorpresa contínua agochada no noso interior, nos obxectos e as accións cotiás.
“Unha proposta íntima, plástica, para ver sen présas e deterse nos detalles de cada
movemento e acción, en cada coreografía da luz” Ana Abad de Larriva: MITCFC
“Esta proposta convida a perderse na contemplación do espazo e do que vai máis alá do espazo: aquel lugar que, nas sombras, favorece o extravío dos camiños coñecidos.” Iván Fernández: Revista Galega de Teatro
“Nuria Sotelo e Ana Vallés crearon un espazo de beleza e reflexión delicado e moi equilibrado, nunha poética (xeito e estilo de facer escénicos) que vén de lonxe. Toda a peza é un goce contemplativo que estimula o noso pensamento. “ Afonso Becerra
Web:
https://furiasotelo.com/Candidaturas
- Espectáculo : Sobre o extravío ou a arte de perderse
- Actriz Protagonista : Nuria Sotelo
- Iluminación : Laura Iturralde
- Texto Orixinal : Ana Vallés e Nuria Sotelo
- Dirección : Ana Vallés
- Dirección de movemento : Ana Vallés e Nuria Sotelo
- Espazo sonoro : Ana Vallés e Mounqup
- Espazo escénico : Ana Vallés e Nuria Sotelo
Compañía
Furia Sotelo
Data estrea:
28/06/2024