Un total de 17 espectáculos competirán como finalistas na 30ª edición dos Premios de Teatro María Casares

Así se deu a coñecer esta tarde en Santiago durante a tradicional Festa de Finalistas que tivo lugar na Cafetería Lasso do Auditorio de Galicia. O acto, que foi conducido pola actriz Chus Álvarez, contou coa asistencia de Jacobo Sutil, director da Axencia Galega das Industrias Culturais (Agadic); Natividade González, deputada de Cultura da Deputación da Coruña; Isabel Blanco, delegada de AISGE en Galicia, e Belén Yáñez, representante da SGAE, que participaron no evento en calidade de representantes das institucións que patrocinan os galardóns do noso teatro, organizados pola Asociación de Actores e Actrices de Galicia (AAAG).

O espectáculo Reconversión, de Ibuprofeno Teatro acada once finalistas (espectáculo, dirección, dirección de movemento, actor protagonista, actor secundario por partida dupla, actriz secundaria, texto orixinal, espazo sonoro, iluminación e espazo escénico). Pola súa banda, A serie clopen, do Centro Dramático Galego, aspira a levar o premio en dez categorías (espectáculo, dirección, dirección de movemento, actriz protagonista, texto orixinal, espazo sonoro, iluminación, espazo escénico, vestiario e maquillaxe. O terceiro espectáculo que acapara maior número de finalistas é TROMSØ, de Morraoconto, que opta o galardón en sete categorías (espectáculo, dirección, dirección de movemento, espazo sonoro, iluminación, espazo escénico e vestiario). Estes tres espectáculos serán os que compitan polos premios ao mellor espectáculo, á mellor dirección e á mellor dirección de movemento nesta trixésima edición.

Un deus salvaxe, espectáculo de Talía Teatro, opta a catro galardóns (actriz protagonista, adaptación-tradución, espazo escénico e maquillaxe) mentres que Vitória, retrato dunha denuncia, de Iria Pinheiro, pelexará por tres premios (actriz protagonista, actriz secundaria e texto orixinal).

Alta costura, de Elefante Elegante, compite como finalistas en dúas categorías (actriz secundaria e vestiario), como tamén o fai Berenguela na gaiola, de Galeatro e Xarope Tulú (adaptación-tradución e espectáculo infantil), e O libro da selva, o musical, de Ártika Cía (maquillaxe e espectáculo infantil).

Outras nove obras competirán como finalistas nalgunha categoría: Bibopalula.O espectáculo, de Ainé (mellor espectáculo infantil); Un tal Romeo, de aRamboia (actor protagonista); Mofa&Befa: Os dous de sempre, de Producións Teatráis Excéntricas (actor secundario), Mala vida e pior morte de Ricardo III, tamén de Excéntricas (actor protagonista), Coa cabeza nas nubes, de SÖA (espectáculo infantil); A metamorfose, de Sarabela Teatro (adaptación-tradución); A Biblioteca Galáctica contra a IA Fantástica, de Tanxarina (espectáculo de monicreques); Castelao, un corazón á intemperie, de Fantoches Baj (espectáculo de monicreques), e Gabinete Mirabilia, de Pablísimo (espectáculo de monicreques).

Estes 17 espectáculos competirán así na gala dos Premios de Teatro María Casares, que este ano se celebrará no Teatro Rosalía Castro da Coruña o mércores 8 de abril. Os galardóns están organizados pola Asociación de Actores e Actrices de Galicia (AAAG) e contan habitualmente co apoio e o patrocinio de institucións e entidades como a Xunta de Galicia, a través da Axencia Galega das Industrias Culturais (Agadic), a Deputación da Coruña, o Concello da Coruña, a Fundación AISGE ou Gadis.

Relación de finalistas por montaxes

1. Reconversión, de Ibuprofeno Teatro (11 finalistas): espectáculo, dirección (Santiago Cortegoso, Carlos Álvarez-Ossorio e Natalia Feijoo), dirección de movemento (Armando Martén), actor protagonista (Santiago Cortegoso), actor secundario por partida dupla (César Goldi e Fran Lareu), actriz secundaria (Cristina Collazo), texto orixinal (Santiago Cortegoso), espazo sonoro (Alonso Caxade), iluminación (Carlos Álvarez-Ossorio) e espazo escénico (Pablo Giráldez O Pastor)

2. A serie clopen, do Centro Dramático Galego (10 finalistas): espectáculo, dirección (Pablo Reboleiro), dirección de movemento (Marta Alonso Tejada), actriz protagonista (Natalia Pajarito), texto orixinal (Clara Gayo e Pablo Reboleiro), espazo sonoro (Marcos PTT e Xosé Lois Romero), iluminación (Laura Iturralde), espazo escénico (Laura Iturralde e José Faro), vestiario (Carlos Alonso) e maquillaxe (Erea Pérez).

3. TROMSØ, de Morraoconto, (7 finalistas): espectáculo, dirección (Rafa R. Martínez), dirección de movemento (Esther Latorre), espazo sonoro (Julia Ammerman e Lucía Iglesias), iluminación (José Faro Coti) espazo escénico (Rafa R. Martínez, Miguel Gendre, Lara Pouso e José Faro Coti) e vestiario (Rafa R. Martínez e Ana Gesto).

4. Un deus salvaxe, de Talía Teatro (4 finalistas): actriz protagonista (Marta Lado), adaptación-tradución (Artur Trillo), espazo escénico (Dani Trillo) e maquillaxe (Martina Cambeiro).

5. Vitória, retrato dunha denuncia, de Iria Pinheiro (3 finalistas): actriz protagonista (Iria Pinheiro), actriz secundaria (Victoria Pérez) e texto orixinal (Iria Pinheiro).

6. Alta costura, de Elefante Elegante, (2 finalistas): vestiario (Carolina Díguele) e actriz secundaria (Raquel Crespo).

7. Berenguela na gaiola, de Galeatro e Xarope Tulú (2 finalistas): adaptación-tradución (Paula Carballeira) e espectáculo infantil.

8. O libro da selva, o musical, de Ártika Cía (2 finalistas): maquillaxe (Árika Cía) e espectáculo infantil.

9. Bibopalula. O espectáculo, de Ainé (1 finalista): espectáculo infantil.

10. Un tal Romeo, de aRamboia (1 finalista): actor protagonista (Fran Lareu).

11. Mofa&Befa: Os dous de sempre, de Producións Teatráis Excéntricas (1 finalista): actor secundario (Josito Porto).

12. Mala vida e pior morte de Ricardo III, de Producións Teatráis Excéntricas (1 finalista): actor protagonista (Evaristo Calvo).

13. A metamorfose, de Sarabela Teatro (1 finalista): adaptación-tradución (Carlos Álvarez-Ossorio).

14. Coa cabeza nas nubes, de SÖA (1 finalista): espectáculo infantil.

15. A Biblioteca Galáctica contra a IA Fantástica, de Tanxarina (1 finalista): espectáculo de monicreques, obxectos e figuras animadas.

16. Castelao, un corazón á intemperie, de Fantoches Baj (1 finalista): espectáculo de monicreques, obxectos e figuras animadas.

17. Gabinete Mirabilia, de Pablísimo (1 finalista): espectáculo de monicreques, obxectos e figuras animadas.

FINALISTAS POR CATEGORÍAS