Co patrocinio da Fundación AISGE e a colaboración da Fundación SGAE a AAAG convoca este obradoiro a fin de semana do 7 e 8 de Maio en Santiago de Compostela

Os cursos de interpretación audiovisual estaban definidos de cote como de “interpretación diante da cámara”. Esa “cámara” en realidade era cámara de cine. Hoxe en día a cousa mudou claramente, a cámara que máis ficción grava é a de televisión e outros formatos como as series web. Este curso está destinado a familiarizarse co que supón traballar neste tipo de formatos dende o punto de vista de quen interpreta.