ANTIMETODOLOXÍA (por David Espinosa)
No meu traballo estou cada vez máis afastado da idea de método ou sistema, de algo pechado que está preestablecido e que sempre se rexe por unhas normas ou uns pasos para seguir. Cando abordo unha creación tento iniciar unha procura que, partindo dun punto definido, lévenos a lugares inesperados. O cal significa que o resultado final será a consecuencia desta investigación real e non unha idea preconcibida na nosa cabeza que tratamos de materializar.
E isto mesmo é o que buscaremos experimentar no taller. Para iso empregaremos obxectos que nos permitan saír da escala real e mirar a escena desde outras perspectivas, analizando todos os elementos da ecuación teatral. Utilizaremos o movemento e a improvisación como ferramentas, buscando a resposta física e observando como reacciona o corpo/obxecto #ante as nosas preguntas, a actividade e o silencio que xeran, para tentar atopar nosa propia forma de cociñar.
“…comida caseira… cociñar para os amigos… non miro receitas, nin etiquetas, nin vou ao super a por os ingredientes que me imaxino… improvisar algo co que teñas, co que queda na neveira… hai miles de maneiras de facer a paella, e nunca dúas paellas sáenche igual… interésame o virtuosismo do torpe, e a torpeza do virtuoso… o fracaso como motor creativo… e non tomarmo moi en serio… non sacar conclusións… encántanme os puntos suspensivos…”
O docente https://davidespinosa.org/
Licenciado en Interpretación Textual pola E.S.A.D de Valencia en 1998. Desde 1994 estuda Danza Contemporánea, Improvisación, C.I. e Capoeira en Valencia, Bruxelas e Barcelona. Traballa como intérprete en espectáculos de teatro e danza de Alex Rigola, Sergi Faustino, Mal Pelo, Las Malqueridas, Osmosis cie. (Francia), Lapsus-Alexis Eupierre, Sònia Gómez/Generaal Elèctrica, Paul Weibel e Carles Alberola, entre outros.
En 2006 forma en Barcelona xunto á bailarina África Navarro a Asociación O Local Espazo de Creación, coa que crearon os espectáculos: Much ado about nothing (2014), Mi Gran Obra (un proxecto ambicioso) (2012), Desconcierto nº1 para teclado y fracasado (2011), La Procesadora (2010), Felicidad.es (2009), Deliriosdegrandez@hotmail.com (2008), Desaladas Club (2007) e Propiedad Privada (2005), as instalacións interactivas El Tríptico (2017), La Triste Figura (2015) e Hekinah Degul (2013) e as pezas de rúa Summertime (2008) e Agonías de lo imposible (2006).
Estes traballos presentáronse nos Teatros e Festivais Internacionais: Theater der Dinge Berlín, Festival Otoño a Primavera Madrid, International Puppet Festival Jerusalem, Eurothalia Timisoara, Wiener Festwochen, World Theatre-Varna Summer Bulgaria, Fimfa Lisboa, #Consentir Festival-Tate Modern London, Ganz Novi Zagreb, Culture Station Seoul 284, Helsinqui Festival, Oslo International Teaterfestival, CINARS Montreal, Theatre du Passage Neuchatel, MESS Saraievo, NET Moscova, FIT Festival Lugano, Festival de Terni, Biennale de Venezia, Cea Contemporânea de Brasília, Escena Contemporánea de Madrid, Alt Vigo, Bad Bilbao, TNT de Terrassa, Escena Abierta de Burgos, ciclo Radicals Lliures de Barcelona.
Datas e duración:
17 e 18 de abril, de 10h a 14: 00h. 8 horas
Lugar:
Sede da Fundación SGAE en Santiago de Compostela. Rúa das Salvadas 2A. http://goo.gl/maps/LO3pb
Prazas e selección del alumnado:
Este taller ten 20 prazas activas. A admisión realizarase por sorteo entre as persoas rexistradas en caso de haber máis solicitudes que prazas, constituíndo unha lista de espera de ser o caso.
Prezo:
Socixs AAAG e /ou AISGE: 50 euros
Se levas en paro 6 meses ou traballaches 10 días ou menos nese tempo, tes unha redución do 50% no prezo. Terás que presentar a tarxeta do paro selada ou copia da vida laboral para acceder a este desconto, exclusivo para o corpo asociativo da AAAG
Non socixs: 90 euros
Inscrición:
Desde o 13 de marzo, luns, ata o 10 de abril, luns, ás 15h. a través do formulario que figura na parte superior desta páxina web da asociación
Se es membro da AAAG, só tes que iniciar a túa sesión na páxina e pulsar “inscribirme” no formulario. O taller aparecerá nas apartado “inscricións” do teu espazo privado.
Reserva de plaza e forma de pago
Comunicarase a lista de admisión o martes 11 de abril. De haber máis solicitudes que prazas se constituirá unha lista de espera.
Na mesma comunicación de admisión indicarase a forma e datas de pago. No caso de que algunha das persoas admitidas non efectúe o pago nas datas indicadas, a súa praza será adxudicada á seguinte persoa na lista.
De non ter solicitudes suficientes, a organización poderá suspender a realización do taller.