OMM 1
Volver

O Meu Mundo non é deste Reino

Sinopse

Uns feirantes chegan ao que chaman fogar logo dun día de traballo. Son Camilo e Tomás, dous titiriteiros que levan o mesmo espectáculo unha e outra vez polas vilas do país. Carretan ás costas un enorme “tutilimundi”. A disxuntiva de abrilo convérteo nunha caixa de pandora latente. Contar e dar vida ao que contén, supón a única vía de escape dos totalitarismos que os oprimen. Un xeito de sobrevivir nun reino militarizado sen trazas de lóxica humanística. Nun contexto ao que non pertencen, nun reino que non é do seu mundo. Ábreno. As marionetas emerxen da farsa como alegorías incontrolables e esperpénticas dunha realidade pasada. A comedia ábrese paso como xerme de cambio nun xogo continuado entre o micro e macro teatro. Ata que todo remata. Desbórdase. Neste Reino a inxustiza tínguese de vivas cores querendo despistar ao senso común, ao oprimido. E que ocorre co resto? Cos que lle rodean? Esvaecen nun fondo descolorido. O MEU MUNDO NON É DESTE REINO, é unha adaptación da “Farsa de Bululú” de Manuel María, unha parodia da ditadura franquista. A recuperación do título orixinal da obra serve para proxectar este laio silenciado no seu día. Hoxe, encabeza o espectáculo de novo para facer fronte a un pasado que insiste en repetirse.

Web:

http://www.teatrodaramboia.com

Candidaturas

  • Espectáculo
  • Actor Protagonista : Anxo García
  • Actor Protagonista : Fran Lareu
  • Vestiario : María Peinado
  • Iluminación : Germán Gundín
  • Escenografía : María Peinado
  • Adaptación/Tradución : María Peinado Premiado/a
  • Dirección : María Peinado Premiado/a
  • Espectáculo : O Meu Mundo non é deste Reino

Compañía

Teatro da Ramboia

Data estrea:

07/11/2019

Contacto