Volver
Cinco minutos sen respirar
Sinopse
A Margarita acaban de despedila do seu traballo no banco e vai refuxiarse ao supermercado, non só preocupada polo seu despido, senón tamén fuxindo dunha relación tormentosa que iremos coñecendo pouco a pouco entre decenas de citas literarias.
Víctor é supervisor do supermercado e coñeceu a Margarita recentemente como usuario do banco. Ambos personaxes mergúllanse nunha conversa sobre as súas vidas, os seus desexos e os seus medos, mentres parecen ficar atrapados na tenda.
Cinco minutos sen respirar retrata os anhelos, o medo e a escuridade que pode albergar unha persoa a través de dous personaxes: Margarita, unha (ex)empregada de banca, e Víctor, supervisor nun supermercado.
A montaxe é unha proposta baseada no traballo de interpretación e cunha dirección escénica que incide nos delirios e nas dualidades propias do mundo de hoxe.
Cinco minutos sen respirar, fala da vida, dos abusos bancarios, do amor, da explotación laboral, do suicidio, da familia, da violencia… e de tantas outras cousas, que non da tempo a resumilas en cinco parágrafos.
Web:
http://itacateatro.com/cinco-minutos-sen-respirar/Candidaturas
- Espectáculo : Cinco minutos sen respirar
- Actor Protagonista : Carlos Rebolo
- Actriz Protagonista : Elea López
- Vestiario : Diego Valeiras
- Iluminación : Juan Rivas
- Escenografía : Diego Valeiras
- Música Orixinal : David Alonso Garzón
- Adaptación/Tradución : Rubén Pérez Pombo
- Dirección : Carlos Neira
Compañía
Ítaca Teatro
Data estrea:
15-12-2018