Volver
Os amores de Jacques o fatalista
Sinopse
Jacques e o seu amo camiñan cara o lugar máis próximo, como fai todo o mundo. Para entreter o camiño, Jacques o fatalista e o seu amo contanse historias, falan da vida e acaban por falar do amor, como fai case todo mundo. Aproveitando que non hai mulleres, permítense dicir cousas das mulleres que non se atreverían a dicir se houbese mulleres diante. Como fan algúns homes. Bastantes.
Este paraíso masculino "estrágase" cando aparece en escena a Pousadeira. Ela é tan falangueira como Jacques e conta contos, fala das cousas da vida e emite asombrosas opinións sobre as mulleres e os homes sen importarlle moito que a escoiten os homes.
Estes contos, interrompidos constantemente polos outros, como acontece nas mellores conversas, tentan buscar a diferenza entre o enamoramento e a sedución, entre o sentimento e o instinto, entre a paixón e a violencia, entre o engano e o enxeño, entre o insulto e a liberdade de expresión, entre o nefando pecado do adulterio e a libre circulación de fluidos...en definitiva, sobre os amores. Tamén se tratarán temas importantes como a dominación de clase, a prostitución, a amizade, o roubo, a coraxe, a poesía e o tabaco.
Web:
www.excentricas.netCandidaturas
- Espectáculo : Os amores de Jacques o fatalista
- Actor Secundario : Marcos Orsi
- Actor Secundario : Piti Sanz
- Actor Protagonista : Víctor Mosqueira
- Actriz Protagonista : María Costas
- Vestiario : Vaello
- Iluminación : Octavio Más
- Escenografía : Marcelino de Santiago "Kukas"
- Música Orixinal : Piti Sanz
- Adaptación/Tradución : Quico Cadaval
- Dirección : Quico Cadaval
Compañía
Producións Teatráis Excéntricas SL
Data estrea:
29/01/2016