Dirixido a profesionais da interpretación e da escena, neste taller traballarase especificamente arredor das características concretas da profesión en relación á comunicación pública, tanto para mellorar a eficacia da mesma como para acadar o maior nivel de inclusividade posible. Contamos co inestimable patrocinio da Fundación AISGE para a realización deste obradoiro.

Laila Ripoll tratará míticas formulacións propias da fantasía. Achegarse a estes personaxes con absoluta liberdade, investigar, buscar polos carreiros da imaxinación e nutrir o noso imaxinario para chegar a construílos coa máxima riqueza, será o obxectivo do taller. Colaboramos coa MIT Ribadavia e contamos co inestimable patrocinio da fundación AISGE para a realización deste obradoiro.

Este taller quere ser un marco de aprendizaxe, adestramento e investigación para todos aqueles que desexen enfrontarse ao reto de crear o seu propio traballo, facendo especial fincapé na acción e o movemento como ferramentas fundamentais nos procesos de creación do/a actor/actriz.

Este taller dirixido a actores/actrices, directores/as e dramaturgos/as é unha oportunidade para achegarse a procesos de creación colectiva onde o actor ou actriz ten un rol fundamental, xa que ha de xerar e organizar o material escénico traballando desde a súa individualidade, os seus referentes e a súa visión do mundo.

O suzuki é un adestramento xaponés que inventou o director Tadashi Suzuki nos anos oitenta como exercicio dinámica para o seu propio equipo de actores. O seu traballo corporal moi forte e dinámico está baseado en rituais arcaicos e traballa conxuntamente o corpo, a respiración, o texto e a imaxinación.

Impartido polo Grupo Laboratorio de Teatro El Rayo Misterioso (Rosario-Arxentina).

Dirección: Aldo El-Jatib.

Coordinación Pedagóxica e Demostración: María de los Ángeles Oliver, Ada Cottu e Sebastián Arriete.

9 e 10 de outubro/Santiago de Compostela

Coa inestimable colaboración da Fundación AISGE, presentamos este obradoiro de 48 horas de duración repartidas en 3 fins de semana.

En colaboración coa Mostra Internacional de Teatro (MIT) de Ribadavia e a Fundación AISGE levaremos a cabo este obradoiro os días 17, 18 e 19 de xullo dentro das actividades da Mostra, que acadará este ano a súa edición nº 34.